![]() |
 |
Nizar Yûsiv
Helbest
Şevçira:
30 July 2010
VEGERE SERRÛPEL
|
|
Nizar Yûsiv
Landika
xewnan
Honandin a keziyên çend zeriyan
Biskên çend dilberan
Li hev birês im
Werîs ê hêmandin ê
Bavêj im qurm ê dara tûyê
Li deşt ê
Û seryê din
Li kembera dar a berûyê
Girê bidim
Û merşik a kevnar
Rengên bi hisretan xêz kirî
Ji tevna pîrik a pişt qof
Li ser raêxim
Bi mûyên don girtî
Ji pirça wê
Pê landikê
Bi wêrîs ve bidirûm
Sêwiyê çav li rê
Nikêta tovê pakrewanekî
Li ser vezilîn im
Bi lorîn im
Komkeder ên makan
Evîna wî ya
Bi barana şaêl re dibare
Yan jî bi gurika êgir
Sincirî tê
Hebûna vî tovî
Bi êgir û barana te
Boş dibe
Di xewna xewxweşo de
Bab bi cilê spî
Ji goran ve tê
Hilgirtiye kincên nû
Diyariyên şirîn
Û ew bi yek xirê
Bero pê direve
Di nava leylanê de
Li her derê
Gurên çavzeloq
Kerên guhfireh xebergêr
Xefk û davên bê keys
Xwestek ji tirsê
Bab hembêz bikê
Têlek rêsayî
Piyê xwas hingaft
Ji xew ê veqetiya
Dilê şikestî
Hîvî li ber bê ketin
Keleka bin av bûyî
Xerciya welatekî
Welatê nîvişkan
Welatê birîndar
Reutlingen
05,11,09
www.myspace.com/nizarmusic
|
|
|
|
 Her
nivîskarek berpirsê naveroka nivîsa xwe ye
copyright ©shevchira.com [
shevchira@shevchira.com
]
start: 01. 01. 2010 |
|
