|
Azer Osê
Xwe diparêzim
ji dilên bi kîn Xwe diparêzim
Ji derên ziwa Xwe diparêzim,
ji dilên bê dil Xwe diparêzim,
ji kenê nîvco Xwe diparêzim,
ji hêsra ne ji dil Xwe diparêzim
ji qal û qîlan Xwe diparêzim,
ji pirsa ne pirs Xwe diparêzim,
………..
dûrî we,
destarê jînê bi xwe digere,
niklên pênûsan her dem şil in,
li xwe mikur têm, bi raza xwe re
dîsa jî
Xwe,
giyanê xwe,
peyva xwe,
helbesta xwe
wekî laşên pîroz,
pagij dikim
û ji yar re, tiştên neyênî diyar dikim
û pê re, şevên bê deng, bi deng dikim,
û bi bêrîkirin demên vala qezenc dikim.
Ji we dipirsim?
di serên we de, çi digere?
Ji xwe bi guman bin
Ne gumanan………
ji yarê rojê,
Ji yarê peyvê,
ji yarê heyvê,
ji yarê hêsrê,
ji yarê eşqê,
ji yarê şevê,
ji yarê xewê
ji yarê maçê,
ji yarê Xwedê
hûn dikin.
Ne guneh e, wekî xwe bim!!
Lê guneh ew e,
wekî we bim
û nimêja eşqê,
qet nasnekim
30.
07.2010
Azer Osê
|
